Візіт у Акадэмію дырэктара па развіцці кампаніі
«BIOTEK Industries» (Рэспубліка Казахстан)
3 лютага 2023 г. акадэмію наведаў дырэктар па развіцці кампаніі «BIOTEK Industries» (Рэспубліка Казахстан) Талгат Жак’янаў. Дадзеная арганізацыя ажыццяўляе ўкараненне высакаякаснай прадукцыі і сучасных тэхналогій у галіне ветэрынарыі, кармлення і вырошчвання сельскагаспадарчых жывёл на рынках Сярэдняй і Цэнтральнай Азіі. Вялікая ўвага надаецца праграмам навучання, павышэння кваліфікацыі спецыялістаў у галіне ветэрынарыі і заатэхніі.
У ходзе візіту ў Акадэмію адбыліся рабочыя сустрэчы Талгата Жакіянава з прарэктарам ФПК і ПК Матузка Мікалаем Сцяпанавічам, а таксама з загадчыкам кафедры паталагічнай анатоміі і гісталогіі Громавым Ігарам Мікалаевічам.
Дасягнута дамоўленасць аб распрацоўцы і рэалізацыі праграм павышэння кваліфікацыі казахстанскіх спецыялістаў на базе ФПК і ПК УА ВДАВМ.
Плануецца падпісанне адпаведных дагавораў.
