Цырымонія ўскладання вянкоў
Адміністрацыя, супрацоўнікі і студэнты ўстановы адукацыі «Віцебская ордэна «Знак Пашаны» дзяржаўная акадэмія ветэрынарнай медыцыны» 23 лютага, у Дзень абаронцаў Айчыны і Ўзброеных Сіл Рэспублікі Беларусь, традыцыйна прынялі ўдзел у цырымоніі ўскладання вянкоў да мемарыяльнага знака на магіле ахвяр фашызму, які знаходзіцца на тэрыторыі парку імя 40-годдзя ВЛКСМ. (Мемарыяльны знак быў усталяваны ў 1964 годзе. Тэрыторыя парку падчас Вялікай Айчыннай вайны была адным з месцаў масавага знішчэння людзей гітлераўцамі).
Усклалі вянкі да мемарыяльнага знаку «У памяць пра супрацоўнікаў ветэрынарнага інстытута, якія загінулі ў гады Вялікай Айчыннай вайны» (усталяваны ў 1967 годзе), які знаходзіцца ў двары паміж навучальнымі карпусамі ветэрынарнай акадэміі.
