Zoom-сустрэча з дзяржаўным каледжам ветэрынарнай медыцыны
ў рамках Міжнароднага супрацоўніцтва, Кітайская Народная Рэспубліка, г. Шаньдунь
8 чэрвеня 2023 г., у рамках абмеркавання міжнароднага супрацоўніцтва з Кітайскай Народнай Рэспублікай, адбылася двухбаковая сустрэча кіраўнікоў міжнародных факультэтаў Віцебскай дзяржаўнай акадэміі ветэрынарнай медыцыны і Шаньдунскага дзяржаўнага каледжа ветэрынарнай медыцыны.
У абмеркаванні прынялі ўдзел дэкан ФМСПіДП Салаўёў А.В., дэкан ФВМ Юшкоўскі Я.А. і спецыяліст факультэта міжнародных сувязей Канопская В.А.
Па выніках сустрэчы бакі абмеркавалі магчымасць кітайскіх студэнтаў вывучаць рускую мову ў рэжымах online і offline, былі прадстаўлены навучальныя платформы па вывучэнні кітайскай мовы для беларускіх навучэнцаў (навучэнцаў акадэміі). Прадстаўнікі Шаньдунскага каледжа таксама гатовы разгледзець магчымасць праходжання стажыроўкі аспірантаў і прафесарска-выкладчыцкага складу акадэміі на базе іх установы адукацыі. Больш дэталёва агаворана пытанне магчымага навучання кітайскіх студэнтаў і выпускнікоў каледжа ў сценах нашай акадэміі.
Факультэт міжнародных сувязей, прафарыентацыі і даўніверсітэцкай падрыхтоўкі
